انـا داري واداري وانـت داري

http://www.5ymah.net/rm/ANADARYFHD.ra

انـا داري واداري وانـت داري
عن جروحي وظرفي واعتذاري
ولكـن التغلـي فيـك عـــــــــاده
وانا مليت من طـول انتظـــــاري
تسمع قـول عدوانـي وتزعـــل
حذاري يابعد عمـري حـــــذاري
ترى العـدوان نيتهـم خبيثـــه
يجيبـون الغـداري بالقمــــــاري
تأكـد قبـل ماتــزعـل عــلــيـه
تثبت مثـل مسلـم والبخــــــاري
الا ياطيـر صيـدك لـــي تـــردا
علامك وانت صيـاد الحبـــــاري
انـــا والله خـطـيـر ومتـولــــع
وجاري لي من الاحباب جــــاري
وعينـي ماتــنـوم الــليـل كلـه
سهيرة طرف وتهـل العبــــاري
وانا اللي مابقى لـي الا ثوانـي
من مجافاك واستدعي الطـواري
يشوفون العلاج اللـي يناسـب
قبل يكشف علـي الاستشــــاري
وانا عارف من اشكي له همومي
الى من صارت الدعوى جبـــــاري
اشاكي اللـي يعرفـون المــــوده
مثـل عـزام والا ابومشـــــــــاري
رجال لانتخيـت بهـم شفونــــي
رجال افتخـر فيهـم وامـــــأـاري
ابشكي عندهـم ظبـي ظلمـــنـي
رمانـي بالمشـوك والســـــــواري
وخلانـي طريـح فـي حبـــــــاله
اصوت مير مالي مـن مثــــــاري
عليـه الله واكبـر كلمـا جــــامع
الــعذال لـه ذكـر وطـــــــــــــاري
لعب لي لعبة الكـوره وســجـل
هدف محسوب في بابي كبـــــاري
لعب بي لعب ماجد فـالبطولـــه
غدى فوز البرازيـل انتحـــــــاري
حذفني حذفـة البايـع بضاعــــه
وهو مغلوب وسط يدين شــــــاري
يتل القلـب منـي تـل طايــــــش
الى من تل له جيـب سفــــــــاري
مدلـل واعذابـي مـن دلالـــــــه
على سرقة قلوب الناس ضــــاري
غـزال شايـف نفسـه علينـــــا
تقول مرشـح لمنصــــــــــب وزاري
ولـه حـق يتدلـل ويتكـبــــــــر
مادامه للجمـال اصبــــــــح اداري
ولي حق اشتكي مـادام قلبـــي
يحب الزين رغبـه واختـــــيـاري
وختم الشعر صلـى الله وسلـــم
على محمد عدد رمل المـــــــذاري